Волонтери од јужниот украински град Миколаив, наместо новогодишна, поставија елка направена од камуфлажни мрежи. Како што објави Би-Би-Си, материјалите користени за „елката на непобедливоста“, по празниците ќе им бидат подарени на војниците кои се борат на фронт.
„Сакаме да славиме не само Нова година и Божиќ, туку сакаме да славиме и победа“
вели жител на градот Миколаив.
Денеска украинците го избраа и својот претставник за Евровизија, дуото Творчи ќе се натпреварува во името на оваа земја во Ливерпул со песната „Heart of Steel“. Изборот за песна за Евровизија, оваа година поради воената агресија од Русија врз Украина се одржа во засолниште во метростаницата во Киев, а се натпреваруваа десет песни.