„Според прелиминарните резултати од увидот на местото на оштетување, на морското дно на оддалеченост од околу 248 метри еден од друг, пронајдени се техногени кратери со длабочина од три до пет метри. Делот на цевката помеѓу кратерите е уништен, а радиусот на дисперзија на фрагменти од цевката е најмалку 250 метри“, соопшти швајцарскиот оператор на гасоводот „Северен тек 1“
Швајцарскиот оператор на гасоводот „Северен тек 1“, предводен од Русија, денеска соопшти дека го завршил првичното собирање на податоците на локацијата на оштетувањето на гасоводот, при што е утврдено дека станува збор за цевка од гасоводот „Северен тек 1“ која е уништена во должина од околу 250 метри, јави Ројтерс.
„Според прелиминарните резултати од увидот на местото на оштетување, на морското дно на оддалеченост од околу 248 метри еден од друг, пронајдени се техногени кратери со длабочина од три до пет метри. Делот на цевката помеѓу кратерите е уништен, а радиусот на дисперзија на фрагменти од цевката е најмалку 250 метри“,
соопшти компанијата Nord Stream AG.
На крајот на септември годинава беа откриени четири истекувања во гасоводите „Северен тек 1“ и „Северен тек 2“ по експлозиите во близина на островот Борнхолм во Балтичкото Море – по две експлозии во данската и шведската зона.
Руското Министерство за одбрана соопшти дека персоналот на британската морнарица ги разнел гасоводите „Северен тек“, тврдење за кое официјален Лондон рече дека е лажно.
И Шведска и Данска заклучија дека четирите истекувања на „Северен тек“ 1 и 2 биле предизвикани од експлозии, но не кажаа кој би можел да биде одговорен за тоа.