Генералниот секретар на НАТО, Јенс Столтенберг, на својот официјален твитер-профил соопшти дека разговарал со министерот за надворешни работи на Украина, Дмитро Кулеба, и ветил дека НАТО ќе продолжи со континуираната поддршка за Украина против руската агресија „колку што е потребно“
Претседателот на Европскиот совет Шарл Мишел и генералниот секретар на НАТО, Јенс Столтенберг, ги осудија денешните напади на Русија врз неколку градови во Украина, меѓу кои и главниот град Киев.
Во нападите животите досега ги загубија најмалку 11 лица, а над 60 се повредени, јавуваат агенциите.
Мишел недвосмислено ги оцени денешните дејствија на Москва врз Украина како воени злосторства.
„Ужасните напади на Русија врз Киев и други градови ширум Украина го покажуваат очајот на Кремљ. Овие неселективни напади врз цивили се воени злосторства. „Ние сме) посветени да ја поддржиме Украина и да бараме одговорност од режимот во Русија. Ова ќе го решиме со нашите партнери од Г7“,
напиша претседателот на Европскиот совет на Твитер.
Russia’s horrendous attacks against Kyiv and other cities across #Ukraine show the desperation of the Kremlin.
— Charles Michel (@CharlesMichel) October 10, 2022
These indiscriminate attacks on civilians are war crimes.
Committed to supporting Ukraine & holding Russian regime accountable – we’ll address this with @G7 partners.
Генералниот секретар на НАТО ги осуди како „ужасни и неселективни“ ракетните напади на Русија врз цивилни цели во Киев, Харков, Лавов, Днепар и во Запорожје.
Столтенберг на својот официјален твитер-профил соопшти дека разговарал со министерот за надворешни работи на Украина, Дмитро Кулеба и ветил дека НАТО ќе продолжи со континуираната поддршка за Украина против руската агресија „колку што е потребно“.
Spoke with Foreign Minister @DmytroKuleba & condemned #Russia‘s horrific & indiscriminate attacks on civilian infrastructure in #Ukraine. #NATO will continue supporting the brave Ukrainian people to fight back against the Kremlin’s aggression for as long as it takes.
— Jens Stoltenberg (@jensstoltenberg) October 10, 2022
Вкупно 75 проектили биле лансирани во денешните напади во повеќе украински градови, меѓу кои и во главниот град Киев, во кој, според последниот биланс, загинаа најмалку 11 лица а над 60 се повредени.
Информацијата ја соопшти началникот на Генералштабот на украинската армија Валериј Залужни кој на твитер-профилот на Министерството за одбрана објави дека денеска врз Украина биле истрелани 75 проектили, од кои 41 биле соборени од украинската противвоздушна одбрана.
Денешните напади се толкуваат како одмазда на Кремљ за нападот на мостот Керч, кој ги поврзува Русија и Крим, каде што викендов експлодираше камион кој оштети дел од мостот, кој беше отворен од рускиот претседател, Путин во 2018 година четири години по анексијата на полуостровот и важи за еден од „симболите на руската моќ“.