Шефот на регионалната воена управа Олександар Старук на Телеграм напиша дека луѓето чекале во редица за да одат на територијата контролирана од руските сили за да достават помош
Руските сили извршија ракетен напад врз цивилен хуманитарен конвој на излезот од Запорожје, има мртви и повредени, соопшти шефот на регионалната воена управа Олександар Старук.
Тој на Телеграм напиша дека луѓето чекале во редица за да одат на територијата контролирана од руските сили за да достават помош, пренесува Интерфакс Украина.
Некста ТВ на својот профил на Твитер објави фотографии и видео од нападот, во кој се вели дека се убиени 23 луѓе.
#Russian invaders shelled a civilian humanitarian convoy at the exit from #Zaporizhzhya.
— NEXTA (@nexta_tv) September 30, 2022
People were queuing to go to the temporarily occupied territory to pick up their relatives and deliver aid. pic.twitter.com/QQLHjD6B7o
At least 23 people were killed because of #Russia‘s rocket attack on a civilian humanitarian convoy on the outskirts of #Zaporizhzhia.
— NEXTA (@nexta_tv) September 30, 2022
At least 28 people were wounded. All the victims are civilians. pic.twitter.com/O7nAIEHoRh
Старух изјави дека службите за итна помош се на местото на нападот.
Тој претходно објави дека руските сили извршиле ракетен напад и на периферијата на Запорожје.
Овој најнов напад се случува во пресрет на најавеното потпишување на анексија на четирите региони во Украина (Донецк, Луганск, Запорожје и Херсон) на церемонија во Кремљ.
Украинскиот претседател Володимир Зеленски порача дека Путин мора да биде запрен за Русија да ги избегне најтешките последици од војната.