Доколку некој намерно и во повеќе наврати ги прекршува правилата за штедење, може да се соочи со казна од три години затвор
Шефот на енергетскиот регулатор (Елком) Вернер Лугинбил за „Ное цирихер цајтунг“ на почетокот на август ги советуваше граѓаните на Швајцарија дека треба да размислуваат да имаат свеќи во домовите во случај на неколкучасовен прекин на струја
Жителите на Швајцарија кои ќе ги прекршуваат владините директиви поради недостигот на гас во земјата и ги одржуваат своите домови над 19 степени во зима, може да бидат казнети. Ова го изјави портпаролот на Федералниот оддел за економија Маркус Шпундли во интервју за весникот „Блик“.
„Прекршувањата на Законот за јавни набавки се прекршоци, па дури и кривични дела и треба да се гонат“,
рече тој.
Весникот уште наведува дека доколку некој намерно и во повеќе наврати ги прекршува правилата за штедење може да се соочи со казна од три години затвор.
На 31 август Швајцарија започна национална кампања за спречување на прекинот на снабдувањето со електрична енергија и гас во текот на претстојната зима. Мотото на кампањата е „Енергијата е ограничена – да не ја трошиме“.
Владата, исто така, подготви акционен план за справување со недостигот на гас, вклучително и воведување квоти за потрошувачка на гас, според кој се повикува на доброволно намалување од 15 отсто на потрошувачката на гас меѓу октомври и март.
Шефот на енергетскиот регулатор (Елком) Вернер Лугинбил за „Ное цирихер цајтунг“ на почетокот на август ги советуваше граѓаните на Швајцарија дека треба да размислуваат да имаат свеќи во куќата во случај на неколкучасовен прекин на струја.
Швајцарските агенции за спроведување на законот се подготвуваат за „вонредни сценарија“ во случај на прекин на електричната енергија или целосно затемнување бидејќи немири и грабежи во услови кога нема осветлување не се исклучени, најави генералниот директор на полицијата Фреди Феслер.