Покрај честитките за постигнатиот договор, албанскиот премиер Еди Рама изрази надеж дека ваквиот развој на настаните помеѓу Србија и Косово ќе го подигне дијалогот на ново ниво, за како што рече, да не се троши бескрајно време и енергија во постигнувањето на нештата кои едноставно се логични како ова денес
Албанскиот премиер Еди Рама им го честита постигнатиот договор за личните докменти на Србија и Косово, велејќи дека тоа се едноставно логични работи.
Ова следи откако комесарот за надворешна политика и безбедност на Европската Унија, Жозеп Борел, објави дека Србија се согласила да ги укине документите за лицата со лични карти од Косово, додека Косово да не ги воведува за лицата со лични карти од Србија.
„Добри вести, решавање на прашањето за слободно движење меѓу Србија и Косово преку дијалог, честитки и до двете страни. Се надевам дека ваквиот развој на настаните ќе го подигне дијалогот на ново ниво, за да не се троши бескрајно време и енергија во постигнувањето на нештата кои едноставно се логични како ова денес“,
напиша Рама на Твитер.
Lajm i bukur zgjidhja me dialog e çështjes së lëvizjes së lirë mes Serbisë e Kosovës, e bashkë me urimet për të dy palët uroj që ky zhvillim ta çojë dialogun në një nivel të ri, për të mos humbur kohë dhe energji pafund në arritjen e gjërave kaq thjeshtësisht logjike sa kjo sot?
— Edi Rama (@ediramaal) August 27, 2022
Постигнатиот договор меѓу Србија и Косово го поздрави и албанската министерка за Европа и надворешни работи, Олта Џачка.
„Многу добри вести за регионот. Косово и Србија имаат договор од кој имаат корист и Албанците и Србите. Дијалогот е секогаш начин. Честитки до двајцата лидери и благодарност до ЕУ за олеснување на дијалогот“,
напиша Џачка на Твитер.
Very good news for the region. #Kosovo ?? & #Serbia ?? have a deal that benefits both Albanians & Serbs. Dialogue is always the way. Congratulation to both leaders & grateful to #EU ?? for facilitating the dialogue. https://t.co/fnskVyV66v
— Olta Xhaçka?? (@xhacka_olta) August 27, 2022
Претходно денеска комесарот за надворешна политика и безбедност на Европската Унија, Жозеп Борел, објави дека Србија и Косово постигнале договор за спорното прашање за личните документи, односно кажа дека Србија се согласила да ги укине документите за лицата со лични карти од Косово, додека Косово да не ги воведува за лицата со лични карти од Србија.
Тој во својата објава, сепак, не го спомена прашањето за регистарските таблички, што е исто така спорно во односите меѓу Србија и Косово.