Во соопштението на Јавното обвинителство, стои дека се формирани повеќе кривични предмети поради постоење на сомнеж дека на организиран начин е сторено кривичното дело криумчарење, а што се однесува на заплената на цигари на пристаништето во Бар во мај годинава. Во соопштението воедно, пишува дека секој кој има сознание за случајот ќе биде сослушан, откако Абазовиќ претходно во Собранието кажа дека гласањето за недоверба на неговата Влада не е резултат на потпишувањето на Темелниот договор со Српската православна црква, туку поради заплената на цигари, а која според него има поврзаност со градежната компанија „Бемакс“.
„По денешните изјави на премиерот во Парламентот, на специјалните обинители и државните обвинители кои постапуваат по овие предмети им е наредено, како дел од истрагата да го сослушаат и премиерот, но и секое лице кое има сознанија кои се важни за постапката која се води“,
изјави портпаролот на Обвинителството, Радоњиќ.
Премиерот Абазовиќ кажа и дека шверцот на цигарите е поврзано со убиството на главниот уредник на „Дан“, Душко Јовановиќ како и со главниот и одговорен уредник на хрватскиот „Национал“, Иво Пуханиќ.
Потпретседателот на Владата на Црна Гора и министер за одбрана Рашко Коњевиќ ја поздрави реакцијата на Обивнителството и кажа дека доколку Абазовиќ во својот исказ не понуди докази за неговото учество во дестабилизацијата на државата, само уште еднаш ќе потврди дека е „обичен патолошки лажго“.