Овие општини се потенцијално ризични поради локална трансмисија на коронавирусот. Таму се регистрирани најголем број од случаите – 7, двајцата сопружници што дојдоа од Италија и уште петмина членови на нивните семејства и блиски контакти
Владата предложи воведување дополнителни мерки за заштита од ширење на коронавирусот во општините Дебар и Центар Жупа откако поради локална трансмисија таму се регистрирани најголем број од случаите – 7, двајцата сопружници што дојдоа од Италија и уште петмина членови на нивните семејства и нивни блиски.
Дополнителните мерки предвидуваат Министерството за здравство, во соработка со центрите за јавно здравје, да мобилизира медицински екипи со епидемиолог од Охрид и еден инфектолог или доктор (или инфектологот кој е во работен однос во бањите Цапа да се стави во служба и за потребите на центрите за јавно здравје). За овие мерки треба да се достави извештај до крајот на денешниот ден, за Министерството за здравство да објави превентивно соопштение на територијата на општините Дебар и Центар Жупа, за можноста од воведување карантин.