Управата за јавни приходи (УЈП) известува дека се врши прилагодување и ажурирање на апликација МојДДВ и дека за граѓаните да може да скенираат фискални сметки потребно е да направат прилагодување на апликацијата.
„Додека трае ажурирањето и прилагодувањето граѓаните за да ги скенираат фискалните сметки потребно е во мобилната апликација во делот ‘профил’, во прозорчето ‘Тип на баркод скенер’ каде што сега стои ‘Напреден’ да ја изберат опцијата ‘Основен’,
информират од УЈП.
Фискалните сметки кои не може да се скенираат преку опцијата „Основен“, може да се скенираат на киосците и баркод-читачите што се поставени во просториите на УJP.
По завршување на овој процес, УJP ќе ги извести граѓаните повторно во „Тип на баркод скенер“ да ја изберат опцијата „Напреден“ при скенирање на фискалните сметки.