Од осумте тестирани пациенти на коронавирус попладнево, тројцата членови на семејството на сопружниците од дебарско се позитивни, а останатите петмина се негативни на коронавирусот, информира Министерството за здравство.
„Позитивните пациенти, од петокот, 6 март, беа во домашна изолација со решение за ДСЗИ, а од вечерва ќе бидат хоспитализирани и лекувани на Клиниката за инфективни болести и фебрилни состојби во Скопје“,
соопшти министерството.
На коронавирус се негативни: лицето кое на 26-ти минатиот месец престојувало во Бугарија, неговата сопруга, патникот од Сингапур, наш државјанин кој пред 3 дена се вратил во земјава, едно лице од Гевгелија и едно од Дебар.
Досега, во земјава регистрирани се вкупно седум случаи на коронавирус.
*ПОВРЗАНИ ВЕСТИ:
Речиси 200 лица што биле во контакт со заразената лекарка се во домашна изолација (ВИДЕО)
Неколку лекарки од Штип во домашна изолација зашто биле во контакт со заразената директорка
Ресторан „Рагуза 360“: Ниту еден од вработените немаше контакт со заразената докторка