Владината портпаролка Лена Бориславова рече дека владата го отфрлила предлогот на претседателот на ГЕРБ, Бојко Борисов, Советот на министри прво да го одобри францускиот предлог за „отклучување“ на преговарачкиот процес за пристапување на Северна Македонија во Унијата, и одлуката потоа да се прати во Народното собрание за да ја добие поддршката од 59-те пратеници од ГЕРБ-УДФ
Бориславова вели дека премиерот Кирил Петков нема да отстапи од повеќепати најавуваната формула за одлуката за Македонија – прво да се оди преку собраниската Комисија за надворешни работи, па на пленарна седница да добие широка поддршка, а потоа во владата
Комисијата за надворешни работи на бугарското Национално собрание ја одложи седницата на која требаше да се расправа за нацрт-билатералниот протокол меѓу Бугарија и Република Северна Македонија (РСМ) сè додека vладата не даде мислење за тоа прашање. Предлогот за одложување е на ДПС, при што 9 члена гласале „за“, а 8 биле „против“.
Не е јасно за кога е одложена седницата ниту, пак, кога повторно ќе биде свикана, пренесува БНТ.
Причината за бараното одложување е што, како што се наведува, секоја одлука што ќе ја донесе Комисијата ќе биде противуставна бидејќи владата мора да достави одлука на разгледување.
Претходно денеска шефицата на кабинетот на Петков и владина портпаролка Лена Бориславова рече дека владата го отфрлила предлогот на претседателот на ГЕРБ, Бојко Борисов, Советот на министри прво да го одобри францускиот предлог за „отклучување“ на преговарачкиот процес за пристапување на Северна Македонија до Унијата, и одлуката потоа да се прати во Народното собрание за да ја добие поддршката од 59-те пратеници од ГЕРБ-УДФ.
Бориславова вели дека премиерот Кирил Петков нема да отстапи од повеќепати најавуваната формула за одлуката за Македонија – прво да се оди преку собраниската Комисија за надворешни работи, па на пленарна седница да добие широка поддршка, а потоа во владата.