Лидерот на ГЕРБ истакна дека актуелната бугарска влада не направила ништо во врска со Протоколот, кој е составен дел на францускиот предлог. Тој појасни дека овој Протокол сè уште не е потпишан
Имав разговори со пратениците на ГЕРБ и ги прашав дали ми веруваат да го поддржам предлогот. Ако се осмели овој кукавица и лажго Петков, ќе има поддршка од 59 пратеници и „зелено светло“ за Северна Македонија и Албанија, изјави лидерот на бугарската политичка партија ГЕРБ, Бојко Борисов, пренесува БГНЕС.
Борисов на прес-конференција повика веднаш да се свика Министерскиот совет, да се даде предлог и да се достави до Народното собрание.
„Верувам во Макрон, верувам во ЕУ. Сè што е добро во Бугарија доаѓа од ЕУ. ЕУ и НАТО во моментов бараат проширување со Западен Балкан. ГЕРБ го започна овој процес. Петков ќе оди во Советот на ЕУ и ќе каже дека некој му пречи. Петков ќе се крие и ќе се плаши додека ГЕРБ не ја заврши работата. Ние знаеме како да се грижиме за нашата работа. Француското претседателство ја направи најдобрата рамка и не може да биде подобра“,
порача Борисов.
Лидерот на ГЕРБ истакна дека актуелната влада не направила ништо во врска со Протоколот, кој е составен дел на францускиот предлог. Тој појасни дека овој Протокол сè уште не е потпишан.
„Петков си дозволува да лаже во Брисел дека ГЕРБ му пречи, дека министерот на Слави Трифонов му пречи и дека тие што не се со него се мафија. Не плашете се, дојдете во парламентот. Ова е најдоброто решение за Бугарија, Балканот и за ЕУ“,
нагласи Борисов.
Тој вели дека гласањето за недоверба на владата е парламентарна тактика и дека ако има премиер кој би свикал собраниска седница на неа ќе присуствуваат 59 пратеници на ГЕРБ.
„Гласањето недоверба е парламентарна практика. Нинова седум пати побарала недоверба и не сме ја нарекле мафија. Ако имаме премиер да свика собраниска седница, на неа ќе влезат 59-те пратеници на ГЕРБ. Да се реши прашањето со С Македонија пред гласањето, да не се срами Бугарија како мрачен субјект“,
нагласи Борисов.