Тие преку протестот ќе побараат укинување на матичен стоматолог и промена на начинот на исплата во стоматологијата преку фиксен загарантиран дел и променлив дел преку партиципација на пациентите. Едно од нивните барања е и зголемување на буџетот за стоматологија соодветно на потребите за исплата на фиксниот дел по тим и коригирање и јасно дефинирање на постоечката листа на услуги, согласно Законот за здравствено осигурување
Со протест пред Министерството за здравство најавен за 15 јуни (среда), Здружението на приватни здравствени стоматолошки установи (ЗПЗСУ) и приватни доктори по дентална медицина (ПДДМ) ќе го изразат своето незадоволство од, како што велат, крајно лошата ситуација во која се наоѓаат и од игнорантскиот однос на министерот за здравство кон поднесените предлози и барања на Здружението за начинот на финансирање на стоматолошка здравствена заштита.
Тие преку протестот ќе побараат укинување на матичен стоматолог и промена на начинот на исплата во стоматологијата преку фиксен загарантиран дел и променлив дел преку партиципација на пациентите.
„Оваа сума да биде исплатена врз основа на постоење на тим во мрежата, согласно член 28 од законот за здравствена заштита, а не врз основа на запишани пациенти“,
додаваат од Здружението.
Освен тоа, бараат и промена на уредбата на Владата за утврдување на мрежата-оптимизација на бројот на стоматолошки тимови согласно потребата на осигурениците / пациентите без осигурување, во согласност со последните демографски податоци од пописот и согласно светските стандарди и усвојување на методологијата за пресметка на цени, а согласно Законот за здравствена заштита.
Бараат и зголемување на буџетот за стоматологија соодветно на потребите за исплата на фиксниот дел по тим и коригирање и јасно дефинирање на постоечката листа на услуги, согласно Законот за здравствено осигурување.
Порај тоа, бараат и корекција на постоечкиот износ на партиципација во стоматолошката здравствена заштита согласно растот на цените за потребните материјални и основни трошоци користени при секоја интервенција или преглед.
„На здравствените установи надвор од мрежата да им се овозможи издавање на рецепти, упати, боледувања и да се изостави потребата од квалитетна финансиска гаранција од ликвидна банка или хипотека на недвижен имот“,
е едно од барањата на стоматолозите.
Поради тесната поврзаност на примарната и секундарната стоматолошка дејност, како што наведуваат, едно од барањата е и овозможување на регистрација и функционирање на поликлиники составени од примарна и секундарна стоматолошка дејност како и склучување на договори за работа помеѓу приватни здравствени установи од примарна и секундарна стоматолошка дејност.
Под мотото „Да го повратиме нашето лично достоинство и достоинството на професијата“, протестот на стоматолозите е најавен за 15 јуни, односно оваа среда во 12 часот пред Министерството за здравство.