На самитот на „Отворен Балкан“ во Охрид, како што истакна премиерот, гости ќе бидат и Црна Гора и Босна и Херцеговина, за кои, како што додаде, верува оти во иднина ќе станат дел од оваа успешна иницијатива. Ковачевски подвлече дека со секоја нова средба на членките на „Отворен Балкан“ се обезбедува посилна соработка, олеснета комуникација и подобри услови за развој на економијата
По повод дводневниот самит на иницијативата „Отворен Балкан“, кој денеска и утре се одржува во Охрид, премиерот Димитар Ковачевски во објава на Фејсбук истакна дека секоја нова средба на членките и пријателите на „Отворен Балкан“ се обезбедува посилна соработка, олеснета комуникација и подобри услови за развој на економијата.
На овој самит, како што додаде премиерот, гости ќе бидат и Црна Гора и Босна и Херцеговина, за кои, како што додаде, верува оти во иднина ќе станат дел од оваа успешна иницијатива.
„Денес започнува Самитот на Отворен Балкан на кој склучуваме нови соработки во областа на туризмот, културата, образованието и царинскиот проток. Сите тие се од огромно значење за компаниите и граѓаните од регионот. Со секоја нова средба на членките и пријателите на ‘Отворен Балкан’ обезбедуваме посилна соработка, олеснета комуникација и подобри услови за развој на економијата“,
напиша премиерот на Фејсбук.
Денеска и утре во Охрид ќе се одржува дводневен самит на иницијативата „Отворен Балкан“, во чиј фокус ќе бидат културата и туризмот, а на самитот ќе учествуваат премиерот на Северна Македонија, Димитар Ковачевски и на Албанија, Еди Рама, српскиот претседател Александар Вучиќ, а свое учество најави и премиерот на Црна Гора, Дритан Абазовиќ.