С Македонија нема испратено амбасадор во Русија. Министерот за надворешни работи Бујар Османи на брифинг на 1 март објави дека се одложува упатувањето на нашиот амбасадор Ненад Колев во Москва, а ден потоа и шефот на државата Стево Пендаровски ден потоа потврди дека на Колев му е одложено заминувањето на амбасадорското место во Москва поради руско-украинската криза
Русија би можела да ги отповика амбасадорите на Црна Гора и Бугарија поради ситуацијата со рускиот министер за надворешни работи Сергеј Лавров, изјави рускиот дипломат Сергеј Орџоникиџе, пренесува РИА новости.
„Мислам дека реакцијата треба да биде најсилна, бидејќи спречија висок функционер на нашата држава да ја врши дипломатската должност. Ова е политички чекор на антируска ориентација“,
изјави тој за РИА новости, пренесе Нова.рс.
С Македонија нема испратено амбасадор во Русија. Министерот за надворешни работи Бујар Османи на брифинг на 1 март објави дека се одложува упатувањето на нашиот амбасадор Ненад Колев во Москва.
„Ние донесовме вчера одлука да го одложиме упатувањето на нашиот амбасадор во Русија, кој требаше да оди на 15 март“,
рече Османи на брифингот со новинарите, една недела по инвазијата на Русија на Украина.
И шефот на државата Стево Пендаровски ден потоа потврди дека на Ненад Колев му е одложено заминувањето на амбасадорското место во Москва поради руско-украинската криза, иако требал да ја преземе должноста во март.
Претходно денеска Министерството за надворешни работи во објаснувањето за потегот на нашата земја објави дека го одби барањето на руската амбасада за специјално одобрение за користење на воздушниот простор за лет до Белград поради тоа што Владата веќе има донесено општа одлука за затворање на воздушниот простор на Северна Македонија за авиопревозници во сопственост на Руската Федерација.
Москва и Белград мора да одговорат исклучително остро на затворањето на воздушниот простор, од страна на соседите на Србија за авионот на рускиот министер за надворешни работи Сергеј Лавров, смета потпретседателот на Горниот дом на рускиот парламент, Константин Косачев.
Според него, одлуката е удар врз Русија и Србија како држави.