(ФОТО) Османи на состанок со Генчовска во Скопје

Во меѓувреме бугарските медиуми објавија и дека Генчовска ќе ја посети и Битола, каде утринава беше запален влезот на културниот центар „Ванчо Михајлов“

Во Скопје денеска започна состанокот помеѓу министерот за надворешни работи Бујар Османи и неговата бугарска колешка Теодора Генчовска, кој следува откако утринава беше најавено дека шефицата на бугарската дипломатија ќе присуствува во земјава денеска и утре.

Генчовска денеска и утре во работна посета на земјава

Во најавата за нејзината посета не беа откриени многу детали, освен фактот дека посетата е иницирана од Бујар Османи и е во насока на продолжување на дијалогот за отворените билатерални прашања меѓу двете земји.

Во меѓувреме бугарските медиуми објавија и дека Генчовска ќе ја посети и Битола, каде утринава беше запален влезот на културниот центар „Ванчо Михајлов“.

Генчовска ќе го посети опожарениот културен центар „Ванчо Михајлов“ во Битола

Овој чин го осуди и претседателот Стево Пендаровски, а бугарската потпретседателка Илијана Јотова истакна дека тоа е дел од „антибугарската кампања во С Македонија“.

Јотова: Палењето на културниот центар во Битола е уште една провокација и дел од антибугарската кампања

Генчовска за време на својата посета на Битола се очекува да разговара со претставници на здружението во Битола.

Пендаровски го осуди палењето на културниот центар во Битола: Ваквите чинови не одат во прилог на унапредување на односите со Бугарија