Во војната во Украина, според податоци на Обединети нации, досега загинаа повеќе од 4 000 луѓе и има речиси ист број повредени
На 24 февруари во зората руската армија презеде голема офанзива и за помалку од 24 часа руските тенкови пристигна до предградијата на Киев.
Целта на Русија беше заземање на Киев, при што би се создале услови за соборување на демократски избраната власт и поставување проруска влада, по примерот на окупираните градови во јужниот дел на Украина.
Анкетите и анализите претходно покажуваа дека најмалку 10 проценти од населението на Украина е подготвено да се бори, од 20 до 30 отсто се проруски ориентирани. Ситуацијата на теренот ги потврди бројките. Руските сили во јужна Украина, продирајќи од Крим, наидоа на организиран отпор.
Главниот правец на напредок беше кон Нова Каховка, но и хидроцентралата на реката Днепар, која служи и како мост. Втората главна насока на продор беше кон градот Херсон, каде што се наоѓа вториот и последен мост на реките Днепар пред нејзиното влевање во Црното Море.
На 28 февруари руските сили влегуваат во Херсон, а градот е заземен на 2 март. Со освојувањето на Херсон на руските сили им беше отворен патот кон север, кон Миколајив, но жителите даваш отпор. Руските сили се обидуваа преку Милолајив да отворат коридор кон Одеса.
Руските сили за неколку дена го освојуваат и градот Мелитопол, кој успешно се бранеше од руските напади во 2014 година.
Претседателот на Русија, Владимир Путин и генералите тогаш оценија дека напредувањето низ Украина од Крим кон Миколајив и Мариупол значи дека набрзо ќе биде освоена целата земја.
Но, набрзо на приодите на Киев почнуваат борбите во кои руските сили претрпуваат големи загуби. Градовите Чернихив и Харков даваа голем отпор и не дозволуваа продор кон Киев. Борбите за Киев траеја од 24 февруари до 4 април.
Најтешки борби, кои траеја 82 дена, се водеа за Мариупол, кој на 18 мај беше заземен од руските сили. Само неколку дена по падот на Мариупол, руските сили почнуваат офанзива на исток, поточно кон Северодонецк.
Откако руските сили не напредуваа како што беше планирано се прераспоредуваат и се насочуваат кон освојување на Донбас. Нападите од окупираните подрачја Луганск и Донецк почнаа кога руски тенкови од Крим, Русија и на Белорусија влегоа во Украина.
Претседателот на Украина, Володимир Зеленски, вчера изјави дека административниот главен град на Донбас, Северодонецк, е „80 проценти под окупација“ и оти се водат улични борби. Исто така, се водат борби и во Луганск.
Според дел од аналитичарите, ако руските сили го освојат Донбас, тогаш најверојатно ќе биде прогласено примирје.
Во војната во Украина, според податоци на Обединети нации, досега загинаа повеќе од 4 000 луѓе и речиси ист број повредени. Околу 30 проценти од територијата на Украина е под руска окупација. Речиси во целост е запрен извозот на храна од Украина, пред сè на житото.
Поради инвазијата врз Украина, Русија се соочи со одлучен и единствен одговор на земјите членки на НАТО и на ЕУ и уследија санкции кон Москва, како и воена и финансиска помош за Украина.
Поради војната во Украина, Шведска и Финска побараа членство во НАТО.