Вишото обвинителство се согласи со ослободителната пресуда за велешанката Пале: Побара Апелација да ја одбие жалбата од ОЈО Велес

Илкоска, која била жртва на семејно насилство од партнерот со кого живеела во вонбрачна заедница, се гонеше за убиство во миг кое се случило кога таа во самоодбрана му нанела рана со нож во септември лани

Вишото обвинителство Скопје смета дека Основниот суд во Велес донел исправна одлука со ослободителната пресуда за велешанката Павлинка Пале Илкоска, која беше обвинета за кривично дело убиство во миг.

Наспроти колегите од Основното јавно обвинителство (ОЈО) Велес кои бараа да се укине ослободителната пресуда и предметот да се врати на повторно судење поради погрешно утврдена фактичка состојба, денеска на јавна седница во Апелацискиот суд во Скопје, ВЈО се согласи со ослободителната пресуда побара отфрлање на жалбата на колегите од основното обвинителство.

„На ден 01.06.2022 година беа закажани рочишта по предметот ’Убиството во Велес‘ на која јавна седница пред Апелациониот суд Скопје јавниот обвинител од ВЈО Скопје предложи да се одбие жалбата на ОЈО Велес како неоснована“,

соопштија од Коалицијата „Сите за правично судење“.

Ослободена од обвинение велешанката Павлина која во самоодбрана го уби својот партнер

Хелсиншки комитет: 23-годишната велешанка го убила партнерот во нужна одбрана, таа е долгогодишна жртва на физичко насилство

Илкоска, која била жртва на семејно насилство од партнерот со кого живеела во вонбрачна заедница, се гонеше за убиство во миг кое се случило кога таа во самоодбрана му нанела рана со нож во септември лани. Дека таа била жртва и се бранела од насилникот потврди и самото обвинителство кога поднесе обвинение.

„Откако се вратиле дома од гости, А.Р. во видно алкохолизирана состојба започнал вербална расправија со обвинетата нарекувајќи ја со најпогрдни зборови. Таа влегла во спалната соба и легнала да спие, но тој дошол до неа, ја фатил за пижамата и со неа ја влечел до кујната, удирајќи ја со тупаници по главата, увото и левото рамо, како и со клоци по левата натколеница. Потоа силно ја фатил со раце во пределот на вратот да ја дави. Обвинетата давала отпор и го молела да ја пушти, а во еден момент од масата зела нож и му нанела убодна рана во пределот на срцето. Како последица на убодот, дошло до нарушување и престанок на функционирањето на срцето и смрт кај сега починатиот“,

соопштија тогаш од ОЈО Велес.

Обвинение за убиство на миг против 23-годишна велешанка, која го усмрти партнерот по семејно насилство