Имаме два нови случаи дијагностицирани на коронавирусот, тоа се двајца сопружници од Дебар на 62 и 68 годишна возраст, соопшти вечерва на прес-конференција министерот за здравство Венко Филипче.
„Враќајќи се од Италија, тие на 27 февруари влегле во земјава. Тогаш патниците немале никакви симптоми и за првпат со сосема лесни симптоми се јавиле на 2 март, во понеделникот, кај нивниот матичен лекар, кој тогаш непрепознал индикации за да се направи тестот за коронавирус“, рече Филипче.