Блумберг: И покрај санкциите, Русија годинава би можела за заработи 321 милијарда долари од извозот на енергенси

Дури и со воведените санкции од Западот, според аналитичарите, и натаму ќе продолжи значителниот приход на Русија во валута различна од рубљата. Доколку, пак, ЕУ, Велика Британија и САД воведат ембарго на руската нафта и гас, тоа би можело да ја чини Русија најмалку 300 милијарди долари приход

И покрај санкциите од Западот, Русија оваа година би можела да заработи речиси 321 милијарда долари од извозот на енергенси, а годината може да ја заврши со рекорден буџетски суфицит од 240 милијарди долари доколку земјите не воведат целосно ембарго на извозот на нафта и на гас, објави Блумберг.

„Поради рекордните цени на нафтата и на гасот кои го сочинуваат главниот извоз на Русија, дури и со намалената продажба на енергија, Москва ќе добие рекордни приходи од 321 милијарда долари. Тоа е една третина повеќе отколку во 2021 година. Огромните приходи ќе доведат до рекорден суфицит на тековната сметка, кој според Институтот за меѓународни финансии може да достигне 240 милијарди долари“,

наведува Блумберг.

Дури и со воведените санкции од Западот, според аналитичарите, и натаму ќе продолжи значителниот приход на Русија во валута различна од рубљата.

Од април руски гас за „непријателските земји“ само во рубли и преку сметки во руски банки

Единствената мерка, пак, што може да влијае на руската економија е ембаргото за продажба на енергенси.

Доколку ЕУ, Велика Британија и САД воведат ембарго, тоа би можело да ја чини Русија најмалку 300 милијарди долари приход. 

Можат ли САД да ја задоволат европската побарувачка за гас?

Нафтата и гасот сочинуваат околу половина од извозот на Русија и околу 40 отсто од минатогодишните буџетски приходи.