Подигнат е и степенот на предупредување за сите граници кон Турција
Европската агенција за гранична и крајбрежна стража (Фронтекс) денеска соопшти дека распоредила засилување и оти е кренато нивото на тревога на грчко-турската граница, додека илјадници мигранти се собираат на границата на Грција.
„Од Грција добивме барање за дополнителна помош. Презедовме чекори за распоредување дополнителна техничка опрема и агенти во Грција“,
се вели во соопштението на портпаролот на Фронтекс во Брисел.
Фронтекс, како што се посочува, го подигнал степенот на предупредување за сите граници кон Турција.
Соочен со пристигнувањето на илјадници мигранти во границите на Грција, премиерот Киријакос Микотакис за денеска во 18 часот свика состанок на Советот за надворешни работи и одбрана на грчката Влада.
Грчките и локалните медиуми денеска објавија дека на островите Лезбос, Иос и Самос, од турското крајбрежје денеска пристигнале околу 600 бегалци и мигранти.
Грчката државна телевизија ЕРТ објави дека на Лезбос за шест часа пристигнале 10 чамци со околу 400 бегалци и мигранти.
Ситуацијата во Грција од вчера е прилично тензична откако Турција одлучи да ги отвори границите за мигрантите кои од 2015-2026 се на нејзина тероторија кон Европа во знак на револт поради завчерашниот напад врз нејзините сили во Идлиб, Сирија, при што загинаа повеќе од 30 турски војници.