Макрон го отфрли барањето на Путин за рускиот гас да се плаќа во рубљи

Европските фирми кои купуваат гас и кои работат на европска територија мора да плаќаат во евра. Затоа денес не е можно да се направи она што се бара, тоа не е договорно, изјави францускиот претседател

Францускиот претседател Емануел Макрон изјави дека нема причина да се прифати барањето на Русија за рускиот гас да се плаќа во рубљи како што најави рускиот претседател Владимир Путин.

Европа се обидува да ја намали зависноста од рускиот гас поради инвазијата на Украина, за што денеска е договорена испорака на гас од САД за европските земји.

Можат ли САД да ја задоволат европската побарувачка за гас?

На почетокот на оваа недела, Путин изјави дека „непријателските“ земји ќе купуваат гас со рубљи. Се смета дека овој потег е насочен кон зајакнување на руската валута, која изгуби над 20% од вредноста оваа година.

Од „непријателските земји“ Путин очекува испораката на руски гас да ја плаќаат само во рубљи

„Сите потпишани документи се јасни. Ова е забрането“,

рече Макрон на прес-конференцијата по самитот на Европската унија во Брисел.

„Европските фирми кои купуваат гас и кои работат на европска територија мора да плаќаат во евра. Затоа денес не е можно да се направи она што се бара, тоа не е договорно“,

додаде Макрон.