Случајот го пријавил анастезиолог од ЈЗУ„Специјализирана болница за нефрологија“
Непознат сторителги уништил цевките кои произведувале медицински гас за операциската сала во Болницата за нефрологија во Струга.
Случајот вчера претпладне, во СВР – Охрид го пријавил Д.Д.(61) од Струга, вработен како анестезиолог во ЈЗУ„Специјализирана болница за нефрологија“-Струга. Тој, како што е наведено во билтенот на МВР, пријавил дека претходниот ден (на 17.03.2022), во временски период од 17 часот до моментот на пријавување, непознат сторител со употреба на предмет насилно дејствувал на цевките на централниот довод за гасови на машинската куќа до салата за операција во болницата. Така, прво била оштетена надворешната обвивка, а потоа во внатрешноста од цевката насилно биле исечени бакарните цевки кои произведувале медицински гас до операциската сала во зградата и потоа го напуштил местото на настанот.
Како што информираат од МВР, извршен бил увид од увидна екипа на Полициската станица – Струга. Се преземаат мерки за расчистување на случајот.