Не преговараш со пиштол вперен во главата. Затоа, императив е да се воведе прекин на огнот, вели францускиот министер за надворешни работи
Франција денеска ќе му предложи на Советот за безбедност на Обединетите нации усвојување резолуција со која се бара прекин на огнот во Украина, изјави францускиот министер за надворешни работи Жан-Ив Ле Дриан.
Француското претседателство со Европската Унија претходно најави дека Париз ќе го преземе овој чекор, потсетуваат британските медиуми.
Како постојана членка на Советот за безбедност, Русија има право на вето на резолуциите во СБ на ОН.
Генералното собрание на ОН вчера усвои Резолуција со која се осудува руската агресија врз Украина. Резолуцијата ја поддржаа 141 земја, пет држави гласаа „против“, а 35 беа „воздржани“.
Можностите за прекин на огнот се очекува да бидат на дневен ред на денешните руско-украински разговори, според најави од Русија.
„Тоа го нарекуваат разговори. Тоа не се преговори. Не преговараш со пиштол вперен во главата. Затоа, императив е да се воведе прекин на огнот“,
изјави францускиот министер за надворешни работи