Вчера ИПЦ одлучи да им се дозволи на руските и белоруските спортисти да настапат на Параолимпијадата, но не под знамињата на своите земји. Утрово таа одлука беше сменета
Меѓународниот параолимписки комитет (ИПЦ) вели дека ситуацијата во олимпиското село ескалира и дека безбедноста на спортистите станува неодржлива, објаснувајќи ја одлуката зошто нема да им се дозволи на руските и белоруските спортисти да настапат на игрите кои започнуваат в сабота.
Првичната одлука на ИПЦ да им се дозволи на 71 Русин и 12 Белоруси да се натпреваруваат како неутрални наиде на тешки критики.
„Ние многу цврсто веруваме дека спортот и политиката не треба да се мешаат. Меѓутоа, не по наша вина војната сега дојде на овие игри и зад сцената многу влади имаат влијание врз нашиот настан“,
рече претседателот на ИПЦ, Ендрју Парсонс, во денешната изјава.
Вчера ИПЦ одлучи да им се дозволи на руските и белоруските спортисти на настапат на параолимпијадата, но не под знамињата на своите земји. Утрово таа одлука беше сменета.