Утрово нови експлозии во Киев и во други градови, нема жртви, не се познати целите

Според градоначалникот на Киев, оштетена е главната линија за централно греење

Силни експлозии одекнаа утрово во Киев и во други украински градови.

Околу три часот по локално време најмалку четири експлозии се слушнале во Киев, а на интернет се појави и видеоснимка од небото по експлозија, направена од жител на главниот град на Украина.

Како што јави Би-би-си, целта на нападот сè уште не е утврдена, а нема информации ниту за повредени.

Експлозијата одекнала само неколку часа откако претходната, во близина на главната железничка станица во Киев, го потресе градот.

Силна експлозија во Киев, цел била централната железничка станица

Од украинското Министерство за внатрешни работи соопштија дека при нападот нема жртви, но, причинета е штета. Наводно оштетена е и главната линија на цевководот за централно греење.