Тој не коментираше дали руските сили зазеле неколку града, вклучувајќи го и Херсон
Украинскиот претседател Володимир Зеленски рано утринава преку видеопорака до нацијата даде оптимистичка оцена за војната и ги повика Украинците да продолжат со отпорот.
Тој рече дека земјата не сака војна и да биде покриена со мртви тела.
„Ние сме нација која една недела ги осуетува плановите на непријателот. Тука нема да имаат мир. Нема да имаат храна. Овде нема да имаат мир“,
рече Зеленски.
Тој не коментираше дали руските сили зазеле неколку града, вклучувајќи го и Херсон.
„Доколку дошле некаде, тоа е само привремено. Ќе ги потиснеме“,
рече Зеленски.
Украинскиот претседател додаде дека борбите влијаеле врз духот на руските војници кои „одат во продавници за храна и се обидуваат да најдат нешто за јадење“.
„Тоа не се борци на велесила. Тоа се збунети деца кои се искористени“,
рече Зеленски.
Според него, бројот на убиени на руска страна веќе достигна 9 000.
„Украина не сака да биде покриена со тела на војници“,
рече украинскиот претседател до утринската видеопорака.