Украинскиот медиум „Зеркало недели“ денеска објави дека втората рунда преговорите меѓу Украина и Русија ќе се одржи утре, на 2 март, но засега нема официјална потврда за ова од ниту еден член на преговарачките тимови од двете страни
Рускиот претседател Владимир Путин денеска повтори дека Владата во Киев мора да ги признае самопрогласените „народни републики“ Луганск и Доњецк како услов за завршување на „воената операција“ во Украина, соопшти Кремљ.
Киев, исто така, мора да го признае суверенитетот на Русија над Крим и да се обврзе дополнително да се откаже од нуклеарното оружје во иднина, соопшти Кремљ.
Покрај тоа, Украина, мора да биде демилитаризирана и да усвои неутрален статус, нагласи Путин.
Тоа е прва ваква официјална изјава откако претставниците на Украина и Русија одржаа мировни преговори во Белорусија во понеделникот.
Украинскиот медиум „Зеркало недели“ денеска објави дека втората рунда преговорите меѓу Украина и Русија ќе се одржи утре, на 2 март, но засега нема официјална потврда за одржување на втората рунда преговори од ниту еден член на преговарачките тимови од двете страни.
Делегациите на Русија и Украина вчера во белорускиот пограничен град Гомел ја одржаа првата рунда преговори која траеше пет часа.
По средбата, како што беше соопштено делегациите се вратиле во своите главни градови на консултации.
Шефот на руската делегација во преговорите Владимир Медински, по средбата изјави дека двете страни договориле разговорите да продолжат и втората рунда да биде одржана во следните денови на полско-белоруската граница.