Делегациите на Русија и Украина денеска се сретнаа во белорускиот пограничен град Гомел да преговараат за прекин на огнот во Украина
Делегациите на Русија и Украина се враќаат во своите главни градови на консултации, откако денеска беше одржан прв круг од преговорите за прекин на конфликтот, пренесуваат руските и украинските медиуми.
Москва и Киев планираат „втор круг“ разговори за конфликтот, а советникот на украинскиот претседател Володимир Зеленски, Михаило Подољак, рече дека на денешниот состанок се „идентификувале приоритетните теми“.
„Главната цел беше да се разговара за прекинот на огнот и непријателствата на територијата на Украина. Страните идентификуваа голем број приоритетни теми за кои беа наведени одредени одлуки“
изјави Подољак.
Советникот на рускиот лидер пак, Владимир Медински, по денешниот состанок порача дека следниот состанок ќе се одржи во блиска иднина и тоа на белоруско-полската г раница.
„Дојдовме до неколку точки според кои може да се предвидат заеднички позиции. Следниот состанок на украинската и руската делегација ќе се одржи на белоруско-полската граница во наредните денови“,
изјави Медински по завршувањето на состанокот.
Делегациите на Русија и Украина денеска се сретнаа во белорускиот пограничен град Гомел, каде преговараа повеќе од пет часа за прекин на огнот во Украина.