Украинскиот претседател порача дека можни се и други локации освен понудените, но јасно стави до знаење дека Украина не го прифаќа рускиот избор тоа да биде Белорусија
Официјална Москва утрово соопшти дека руска делегација пристигнала во градот Гомељ во Белорудија, за да прегобара со украинските претставници, јавува „Асошиејтед прес“.
Портпаролот на Кремљ, Дмитриј Песков, рече дека во руската делегација има воени претставници и дипломати.
„Руската делегација е подготвена за разговори, а сега ги чекаме Украинците“,
рече Песков.
Украинскиот претседател Волдомир Зеленски, пак, утрово објави ново видеообраќање во кое порачува дека неговата земја е подготвена за мировни преговори со Русија, но не во Белорусија, од каде руски трупи се движеа кон украинска територија за време на инвазијата изминатите денови.
Зеленски наведе други градови во пет држави како алтернатива каде може да седнат на преговарачка маса и тоа: Варшава (Полска), Братислава (Словачка), Истанбул (Турција), Будимпешта (Унгарија) или Баку (Азербејџан). Украинскиот претседател порача дека можни се и други локации, но јасно стави до знаење дека Украина не го прифаќа рускиот избор тоа да биде Белорусија.