Претходно санкции објавија ЕУ и Британија
Ова е пример за апсолутната слабост на надворешната политика, изјави портпаролката на Министерството за надворешни работи Марија Захарова на државната телевизија
Канадскиот премиер Џастин Трудо штотуку објави дека Канада ќе им се придружи на САД, Велика Британија и ЕУ во воведувањето санкции против рускиот претседател Владимир Путин и министерот за надворешни работи Сергеј Лавров.
Говорејќи на прес-конференција во Отава, тој рече дека „личното богатство на Путин… е во значителен ризик поради неговата ужасна грешка“.
„Ќе воведеме санкции врз претседателот Путин и неговите колеги архитекти на оваа варварска војна“,
рече тој, додавајќи дека санкции ќе бидат поставени и на лидерите на Белорусија поради нивната поддршка за руската инвазија.
ЕУ воведе нови санкции против Русија, кои ги опфаќаат рускиот претседател Владимир Путин и министерот за надворешни работи Сергеј Лавров, односно замрзнување на нивниот имот и сметки, но тие не опфаќаат и забрана за патување. Истото го направи и Велика Британија.
„Ова е пример за апсолутната слабост на надворешната политика“,
изјави портпаролката на Министерството за надворешни работи Марија Захарова на државната телевизија, коментирајќи ги воведените санкции.