Врз основа на предлог-одлуките што ги добиле советниците во Град Скопје, а се однесуваат на именување на членови на управни и надзорни одбори на повеќе јавни претпријатија во Скопје, тројцата портпароли на опозициската партија, Стоилковски, Арсовски и Митева, беа предложени за членови на УО на две скопски јавни претпријатија
По Наум Стоилковски и Димче Арсовски, и портпаролката на ВМРО-ДПМНЕ, Марија Митева, побара нејзиното име да се повлече од предлог-одлуките за именување на член на УП на ЈП „Водовод и канализација“ Скопје.
„Во мојот начин на дејствување немало двојни принципи, ниту ќе има во иднина. Интегритетот е нешто кое нема цена! Стојам зад тоа, со целиот свој професионален начин на дејствување од почетокот и ќе е остане така до крајот! СДСМ ги гледа функциите во државава како начин за печалење пари, за криминал, јас пак бев силно уверена дека ќе го извадам криминалот на ЈП Водовод на виделина, ќе и образложев на јавноста како се склучувале договори за изградба на водоводна мрежа на Варшавска итн… но ќе дадев и свој личен пример како со домаќинско работење се доаѓа до успех. Но, нема да им го пружам задоволството на СДСМ да си држат пресови со намера да фрлат црна дамка на мене, затоа се заблагодарувам на довербата, но барам предлогот за мене да биде повлечен. А кој и да биде член на управниот одбор јавно го повикувам да ми ги каже криминалите, па јас ќе продолжам на прес“,
напиша Митева на Фејсбук.
Како што претходно објавивме, врз основа на предлог-одлуките што ги добиле советниците во Град Скопје, а се однесуваат на именување на членови на управни и надзорни одбори на повеќе јавни претпријатија во Скопје, се и имињата на тројцата портпароли на опозициската партија: Стоилковски, Арсовски и Митева.