Тој информира дека вчера разговарал со Заев за средбата што ја имаше со Алтернатива и нагласи дека во разговорот не станало збор за кадровски прашања поврзани со евентуалниот влез на партијата на Гаши во Владата
Сите партии што се залагаат за европската иднина на државата и отворање на преговорите со Европската Унија се добредојдени во парламентарното мнозинство, изјави денеска првиот вицепремиер и министер за политички систем и односи меѓу заедници Артан Груби.
„Моментно разговараме не само со Алтернатива туку има контакти и со други политички партии што се дел од Собранието за да се приклучат на парламентарно мнозинство или да го поддржат и мислам дека сите тие што сакаат да ја видат Северна Македонија во ЕУ ќе се приклучат кон ова парламентарното мнозинство. Јас сум уверен дека Заев ќе ја почне процедурата за нов претседател на СДСМ. Ова е процес што не завршува за еден ден, туку мислам дека ќе трае еден месец и дотогаш се надевам дека ќе имаме стабилно парламентарното мнозинство за да продолжиме со реформите, преку првично одобрувањето на буџетот на државата, но и решавање на спорот со Бугарија“,
рече Груби.
Тој информира дека вчера разговарал со премиерот Заев за средбата што ја имал со Алтернатива и оти денеска ќе имаат нова средба во врска со случувањата со новото парламентарно мнозинство. Нагласи и дека во разговорот не станало збор за кадровски прашања поврзани со евентуалниот влез на Алтернатива во Владата.
„Не верувам и не очекувам драматични случувања во земјава и убеден сум дека и Гаши, но и другите албански политички партии, вклучително и Касами и Села, се свесни за значењето на овој момент и случувањата што се преземаат во Брисел во насока на отворањето на преговорите, и нема да направат ниеден чекор за да ја загрозат европската иднината на земјата“,
посочи меѓу другото Груби.