На поранешната претседателка на Советот на Град Скопје од редовите на СДСМ, Љубица Јанчева, со пур-пена ѝ го запечатиле автомобилот на паркинг во Аеродром, каде што живее.
Јанчева се огласи на социјалните мрежи споделувајќи и фотографија од возилото.
„Вака ли мои сограѓани во Европа? Со заплашување? Почнавте со чкртање… утрово ова? Ваквиот чин е одраз на немоќ, градоначалнику Тимчо Муцунски, безбедноста на граѓаните од другата опција е загрозена“,
напиша Јанчева јавно преку социјалните мрежи.
Таа најави дека денеска ќе одржи прес-конференција.
