Грчкиот премиер Кирјакос Мицотакис прими трета доза од вакцината против ковид-19 на речиси девет месеци по втората доза.
Како што јавува МИА, тој ги повика граѓаните да се вакцинираат истакнувајќи дека сега веќе фактите не дозволуваат никаков сомнеж за ефикасноста и безбедноста на вакцината.
„Девет од десет наши сограѓани кои и денес се приклучени на апарати се невакцинирани, а многу голем број наши сограѓани кои секојдневно ги губат животите, исто така се невакцинирани. Ајде конечно да ги послушаме научниците. Да ги погледнеме вистинските податоци. Сите да побрзаме да се вакцинираме за дополнително да ја зголемиме стапката на вакцинација во нашата земја во целина. Пред сѐ да си се заштитиме самите, оние што ги сакаме и општеството“,
рече Мицотакис откако се вакцинираше.
Трета доза, во петокот прими и претседателката на Грција, Катерина Сакеларопулу, која заедно со Мицотакис се вакцинираше на првиот ден од процесот на имунизација во земјата, на 27 декември 2020 година, а ревакцинацијата беше три седмици подоцна.