Шефот на европската дипломатија се залага што побрзо да се одржи првата меѓувладина конференција
Треба да ја одржиме првата меѓувладина конференција што е можно поскоро. Северна Македонија и нејзините граѓани заслужуваат да напредуваат на патот кон ЕУ, напиша на Твитер високиот претставник на ЕУ за надворешна и безбедносна политика и потпретседател на Европската комисија, Жозеп Борел, по средбата со премиерот Зоран Заев и вицепремиерот задолжен за европски прашања Никола Димитров, во на Самитот ЕУ – Западен Балкан во Брдо кај Крањ.
„Со Зоран Заев разговаравме за одличната соработка ЕУ – Северна Македонија, вклучително и за безбедноста, глобалните прашања, регионалната интеграција, проширувањето“,
наведува Борел.
With @Zoran_Zaev we discussed excellent EU – North Macedonia cooperation incl security, global issues, regional integration, enlargement
— Josep Borrell Fontelles (@JosepBorrellF) October 6, 2021
We need to have the first intergovernmental conference as soon as possible. North Macedonia and its citizens deserve to advance on EU path pic.twitter.com/6bBbP73Ktr
ЕУ одново ја потврдува својата безрезервна поддршка за европската перспектива на Западниот Балкан и ја поздравува посветеноста на партнерите од Западен Балкан на таа европска перспектива, која е во наш заемен стратегиски интерес и останува наш заеднички стратегиски избор, се наведува во Декларација од денешниот Самит. Во документот се нагласува дека партнерите на ЕУ од Западен Балкан уште еднаш ја истакнале својата посветеност на европските вредности и принципи и на спроведувањето на неопходните реформи во интерес на своите народи.