Против С.Б. ќе биде поднесени пријави за неовластено производство и пуштање во промет на наркотични дроги и за неовластено изработување, држење, посредување и тргување со оружје
Хероин и муниција биле најдени кај 80-годишно лице во Тетово при претрес на неговиот дом, информираат од тетовската полиција. Претресот бил спроведен со судска наредба.
„Вчера, околу 12 часот и 30 минути, на улица „Борис Кидрич“ во Тетово, лишен од слобода е С.Б. (80) од Тетово. При негов преглед, пронајден е хероин, а нешто подоцна при претрес на семејниот дом пронајдени му се вкупно 197 куршуми со различен калибар. За поголемиот дел од куршумите тој не поседувал дозвола. По целосно документирање на случајот, С.Б е задржан во Полициската станица Тетово и ќе му биде изготвен поднесок за неовластено производство и пуштање во промет на наркотични дроги, психотропни супстаниции и прекурсори, согласно член 215 од Кривичниот законик и за неовластено изработување, држење, посредување и тргување со оружје или распрскувачки материи, казниво по член 396 од Кривичниот законик“,
информира Марјан Јосифоски, портпарол на СВР Тетово, како што пренесува МИА.
Со соодветен поднесок, денеска С.Б. ќе биде изведен пред судија на претходна постапка во Основниот суд во Тетово.