Вкупно 70 отсто од возрасното население на ЕУ се целосно вакцинирани против ковид-19

Европската комисија смета дека е голем успех што до август годинава се вакцинирани висок процент од возрасното население на ЕУ

Европската комисија објави дека 70 отсто од возрасното население во Европската Унија се целосно вакцинирани против коронавирусот.

„Повеќе од 256 милиони возрасни во ЕУ се целосно вакцинирани“, се вели во соопштението на Комисијата.

Претседателката на ЕК, Урсула фон дер Лејен, рече дека е голем успех што до август годинава целосно се вакцинацирани 70 отсто од возрасните во ЕУ.

„Заедничката стратегија за напредок на ЕУ се исплатеше и ја става Европа во првите редови во глобалната борба против ковид-19. Но, пандемијата не е завршена. Ги повикувам сите што можат да се вакцинираат. Мора да му помогнеме на остатокот од светот да се вакцинира“,
вели Фон дер Лајен.

70% of adults in EU are fully vaccinated.

I want to thank the many people making this great achievement possible.

But we must go further!

We need more Europeans to vaccinate. And we need to help the rest of the world vaccinate, too.

We'll continue supporting our partners. pic.twitter.com/VxdvZlrwYv
— Ursula von der Leyen (@vonderleyen) August 31, 2021