Од МНР нагласуваат дека ваквите изолирани и неконтролирани однесувања не придонесуваат во напорите за продлабочување на пријателството, добрососедството и соработката меѓу двете држави
Знамето на Република Бугарија при конзулатот во Битола било отстрането од засега непознат сторител, а оштетен бил и јарболот. Од македонското Министерството за надворешни работи го осудуваат овој чин и велат дека надлежните ќе го расчистат случајот.
„Овој вандалски и неодговорен акт на некој поединец, чиј идентитет ќе биде предмет на разгледување од страна на надлежните органи, во никој случај не треба да се поистоветува со населението на овој традиционално конзулски и космополитски град“,
велат од Министерството за надворешни работи.
Од МНР нагласуваат дека ваквите изолирани и неконтролирани однесувања не придонесуваат во напорите за продлабочување на пријателството, добрососедството и соработката меѓу двете држави, како и заедничките напори за напредок во нашите заложби за понатамошна интеграција во Европската унија.