Трансплантацијата на срце што беше извршена завчера е петта во државава
Во одделот за интензивна нега при Универзитетската клиника за кардиохирургија, постепено се опоравува пациентот на кој му беше трансплантирано срце во средата, објави министерот за здравство Венко Филипче на својот Фејсбук-профил.
„Благодарение на хуманоста на фамилијата и гестот на починатата донорка, сега тој е во нова надеж за подобро здравје. Му посакувам брзо враќање во секојдневните навики и рутини, а пред се, успешно оздравување“,
напиша Филипче во објавата заедно со фотографија на пациентот.
Трансплантацијата на срце што беше извршена завчера е петта во државава.
Донор е 42-годишна жена која имала желба да ги донираат органите по смртта.