Вкупниот број на активни случаи на територијата на целата земја надмина 11 илјади
Бројот на ковид-случаи во земјава се зголемува, а веќе неколку дена по ред со најмногу случаи се Скопје (3 693), Тетово (1 855) и Гостивар (1 513). Со под илјада активни случаи, но сепак со високи троцифрени броеви се и Куманово (715), Струмица (561), Кичево (555), Струга (322), Охрид (303) и Дебар (201).
Во Битола во моментов има 194 активни случаи, а во Прилеп 158. Со над 100 случаи се и Штип со вкупно 131, Велес со 125 и Кавадарци со 111.
Нешто под 100 односно 96 случаи има во Кочани, во Ресен вкупно 90, во Радовиш 66, во Свети николе 61 и во Берово вкупно 52. Во останатите градови бројката на активни ковид-случаи е под 50.
Во моментов најмалку активни случаи има во Дојран, односно само двајца пациенти, во Демир Капија активни ковид-случаи се три, а во Македонска Каменица петмина.
Вкупниот број на активни случаи на територијата на целата земја надмина 11 илјади, односно со последната статистика на Министерството за здравство активни се точно 11 106 случаи.
Вкупната бројка на дијагностицирани лица со ковид во земјава од почетокот на епидемијата изнесува 168 872, на оздравени пациенти е 152 098, а на починати е 5 668.