Петмина пациенти починаа, а 14 нови се примени на болничко лекување во Тетово во последните 24 часа, информираше д-р Гзим Нуредини од ковид-центарот во тетовската болница, пренесува МИА.
„Најмладиот е роден 1972 година, на околу 49 години. Немаме точна анамнеза, но немаме информација дека имал хронична болест. Исто така, имаме и примено на болничко лекување млади лица од 35 до 45 години. Сè уште алармот е на црвено и болеста ги фаќа и младите. Бројот на амбулантски прегледи е сè уште висок, што значи ќе има уште многу приеми“,
изјави д-р Нуредини.
На болничко лекување во ковид-центарот во тетовската болница има 123 лица. Од нив само тројца биле вакцинирани со две дози.