Како што пренесува Топ чанел, станува збор за Р.Д. (80) и Ц.М.(78) и двајцата од Битола, кои шест години по ред одмарале токму на оваа плажа
Двајца македонски туристи го загубија живтотот давејќи се на плажата Спиле кај пристаништето во Драч, Албанија.
Како што пренесува Топ чанел, станува збор за Р.Д. (80) и Ц.М.(78) и двајцата од Битола, кои шест години по ред одмарале токму на оваа плажа.
Биле дел од група од педесетина македонски туристи кои пред четири дена приситигнале во Драч.
„Откако ручале тројца од групата влегле во морската вода, но само еден од нив успеал да излезе жив“,
наведува телевизијата.
Трагичниот настан се случил околу 11:25 часот на јавна плажа, на која немало набљудувач. Едно од телата го забележал набљудувач од соседната плажа, по што интервенирал а откако влегол во водата го забележал и другото тело.
Најпрво прсутните на плажата им дале срцева масажа, а потоа и брзата помош која веднаш пристигнала, не успеале да ги вратат во живот. Првичните информации се дека причината за смртта е срцев удар.