Претпладнево состојбата беше поразлична, особено на граничниот премин Табановце, каде се чекаше од 45 минути до еден час
Интензитетот на сообраќај на патните правци надвор од градските средини е умерен, а на граничните премини, од македонска страна, нема подолги задржувања за влез и излез од државата.
Ова пред малку го соопштија од АМСМ, откако претпладнево состојбата беше поразлична, особено на граничниот премин Табановце, каде се чекаше од 45 минути до еден час.
АМСМ соопшти дека, според известувањето на „Виадукт трејд“, во вторник, 24 август 2021, од 10 до 16 часот ќе важи привремена измена на режимот на сообраќај во времетрање од 45 до 60 дена, со комплетно затворање на делницата при асфалтирање на регионалниот пат Р1202, делница Маврови Анови – Жировница.