Според видеата кои се споделуваа на социјалните мрежи, населбите Шуто Оризари и Кисела Вода се меѓу најпогодените од денешниот пороен дожд во Скопје
Поројниот дожд кој денеска претпладне паѓаше во Скопје предизвика поплави на улиците, но и во домовите на жителите на некои скопски општини.
Според видеата кои се споделуваа на социјалните мрежи, населбите Шуто Оризари и Кисела Вода се меѓу најпогодените.
На Фејсбук страницата “За Расадник, за хуман живот во Кисела Вода”, се споделуваа фотографии од оваа скопска општина, на кои може да се види дека според количината на вода собрана на улицитте, воопшто не функционира атмосферската канализација.
Градоначалникот Филип Темелковски вели дека оваа водоводна мрежа нема доволен капацитет и дека е неопходно повеќе да се инвестира во атмосферска канализација.
„Кога дојдов за градоначалник, само 23% имаше атмосферска канализација, сега има околу 40‘% , но тоа е премалку, затоа што има многу жители. Апелирам и граѓаните да бидат посвесни и да внимааваат што фрлаат во канализацијата“,
изјави Темелковски, кој веќе четири години раководи со оваа општина.