Според владејачката партија, ова е понуда од намајкаде, во која, како што велат, не верува ни самиот Мицкоски
СДСМ излезе попладнево со оценка за кандидатите за градоначалници што ги промовираше денеска ВМРО-ДПМНЕ, нагласувајќи дека списокот упатува на две работи:
„Прво, СДСМ е убедлив фаворит, победник на локалните избори. И второ, Мицкоски знае дека ги губи изборите и ова е понуда од немајкаде. Како едвај да нашол кандидати што ќе претрпат пораз па затоа огромно мнозинство од кандидатите се непознати. Нема ништо ново во понудата на Мицкоски. Не само што не се нови, туку огромен дел од нив се од времето на Груевски, кои или биле кандидати за советници или имале државни функции на локално или централно ниво“,
велат од СДСМ.
Од владејачката партија велат дека ВМРО-ДПМНЕ се уште нема свој кандидат за градоначалник на Скопје, додека во општина Центар поддржува кандидатка на мал коалиционен партнер.
Тоа покажува колку е мала довербата на граѓаните во ВМРО-ДПМНЕ, во главниот град. Очигледно е дека ниту самиот Мицкоски не верува во оваа понуда, па затоа денеска побегна од јавноста и објавувањето на кандидатите му го препушти на Александар Николовски, аѓутантот на Груевски“,
коментираат од СДСМ.