Од бугарското МНР велат дека очекуваат македонските властите да преземат брза акција за да ги идентификуваат сторителите, како и дека очекуваат спомен-плочата да биде вратена во првобитната состојба
Амбасадата на Република Бугарија во Скопје испрати протестна нота до македонското Министерството за надворешни работи поради повторениот чин на сквернавење на спомен-плочата на 15 бугарски туристи кои загинаа во несреќата на бродот „Илинден“ во 2009 година во Охрид, соопштија од Министерството за надворешни работи на Бугарија.
Од бугарското МНР велат дека таков однос кон споменот на невините жртви на трагичен инцидент е неприфатлив.
„Секој чин на омраза против друга држава или нејзините граѓани е во спротивност со основните вредности на модерните демократски општества“,
велат од Министерството.
Од МНР на Бугарија велат дека очекува македонските властите да преземат брза акција за да ги идентификуваат сторителите, како и дека очекуваат спомен-плочата да биде вратена во првобитната состојба.
Споменикот на бугарските туристи во Охрид, исто така, беше осквернавен и во ноември минатата година, но тогаш Општина Охрид уште следниот ден постави нова плоча со натпис на споменикот „Солза на Роза“.