Пожарот во пехчевско – беровскиот регион е ставен под контрола. На терен се уште се припадници на армијата, територијалните противпожарни единици, ДЗС и месното население. Иако пожарот е локализиран, екипите ќе останат присутни на лице место и во текот на ноќта, во случај на негово повторно разгорување.
Како што информираа од ЦУК, кракот на истиот пожар во делчевскиот регион, е ставен целосно под контрола. Но, и на ова место се уште има екипи на терен, кои ќе останат и ќе ја следат состојбата до утрешниот ден.
„Пожарот во Сарај, во селата Раовиќ, Буковиќ, Лескарци е се уште активен и во текот на денешниот ден во повеќе наврати дејствуваше авионот на романското воено воздухоплоство. Во 14:45 минути, истиот пожар е проширен кон сртот на ловиштето Јасен. На терен се припадници на армијата, ДЗС, противпожарните бригади, месното насление од село Сарај, кои и во моментот се на терен и се борат со пламените јазици. Активен пожар се уште има и во Чучер Сандево, во селото Побожје, каде се запалени три куќи. На лице место е бригадата од град Скопје, очекуваме информации од што се запалени куќите“
изјави Марија Милкова од ЦУК.
Активен е пожарот и во Петровец, кај местото Крушје, но, со намален интензитен. На терен се уште има претставници од армијата, противпоарната бригада, од град Скопје, ШС „Караџица“ и месно население.
Активен е и пожарот во селото Топлица, кој се шири кон Крстец. На терен се претставници од ШС „Црн бор“ од Прилеп противпожарна бригада од Прилеп и ДЗС.
Друг активен пожар има и во Агино село, кој изубувна во 12 часот. На терен се бригадите на Куманово и на град Скопје, како и месното население.
Во попладневните часови, пожар избувна и во Слатина, Македонски брод, каде гори нискостеблеста шума и сува трева. Од ЦУК информираа дека е во прекин патниот правец Македонски брод – Самоков.
Пожар со помал интензитет има и во прилепскиот регион, кај селото Средорек, но тој се држи под контрола.