„Секое лице кое се чувствува загрозено и вознемирено поради настанатите пожари може да се обрати за справување со ситуацијата која ја загрозува благосостојбата и создава чувство на лична и колективна загрозена безбедност“, велат од Црвениот крст
Отворени се неколку СОС линии за прва психолошка помош поради пожарите во земјава.
Црвениот крст на Северна Македонија ги повикува сите граѓани кои имаат потреба од прва психолошка помош да се обратат на отворените СОС телефонски линии.
„Секое лице кое се чувствува загрозено и вознемирено поради настанатите пожари може да се обрати, да постави прашања и да добие одговори и совети за успешно справување со ситуацијата која ја загрозува благосостојбата и создава чувство на лична и колективна загрозена безбедност“,
се наведува во фејсбук-статусот на организацијата, од кад штое потсетуваат за можноста да се користат отворените телефонски линии на кои има соодветна психолошка поддршка од обучени волонтери.
Отворените телефонскии линии се поделени на региони, а се однесуваат на сите општини и населени места кои припаѓаат на наведените региони:
Скопски Регион – 071/367-909, 071/367-981 и 071/379-119
Пелагониски Регион – (Битола, Демир Хисар, Крушево, Прилеп, Ресен) 047/236-019 и 070/791-770
Југозападен и Полошки Регион – (Гостивар, Тетово, Дебар, Кичево, Струга,Охрид) 072/239-051 и 072/239-077
Источен, Североисточен и Југоисточен Регион (Штип, Кочани, Берово, Виница, Делчево, Пробиштип, Кратово, Куманово, Крива Паланка, Струмица, Гевгелија, Валандово, Радовиш) 071/426-660 и 071/426-633
Вардарски Регион (Велес, Неготино, Свети Николе, Градско, Чашка, Кавадарци, Лозово, Росоман, Демир Капија) 075/294-036, 071/274-229 и 043/231537.