Најмалку три лица се повредени денеска при престрелка во шведскиот град Кристијанштад, а во тек е голема полициска акција.
Според „Дејли мејл“, меѓу повредените има двајца мажи и една жена и тие се пренесени во болница со прострелни рани, а полицијата ја блокирала областа.
Портпаролот на локалната полиција Ричард Лундквист рече дека повредените се пронајдени на неколку места во и околу трговски центар во градот.
„Сè уште не знаеме под какви околности се случил инцидентот“,
рече Лундквист и додаде дека жртвите се пронајдени внатре и надвор од објектот и дека сè уште не е јасно каде се случило пукањето.
?? Mass Shooting in Kristianstad,
— Border Protection (@BorderProtecti) August 3, 2021
Sweden. Multiple gunshots. Police rush to horror attack in Kristianstad mass shooting. Police discovered several people with “suspected gunshot wounds” on arrival, an initial statement said. #Kristianstad #Sweden pic.twitter.com/KxcpgRQDat
На местото на настанот пристигнале и екипи на брза помош.
„Дејли мирор“ пишува дека извештаите покажуваат дека инцидентот се случил во трговскиот центар, откако очевидци изјавиле дека местото на злосторството било оградено во близина на објектот.
Кристијанштад е град на југот на Шведска со над 35 000 жители.